Манчестер Сити не се прослави во последните два месеци од 2024 година, период во кој забележа само две победи на четиринаесет натпревари во сите конкуренции, две победи кои беа остварени во домашниот шампионат и тоа против Нотингем Форест и Лестер.
Кризата на резултати ги исфрли „граѓаните“ од англискиот Лига Куп. ги стави во тешка ситуација во Лигата на шампионите каде се дури на 22 место на две кола до крајот од групната фаза, додека пак во Премиер лигата се на скромното шесто место за нив со дури 14 бода помалку од лидерот Ливерпул кој има и еден заостанат меч за играње и тоа против Евертон.
Во Сити многу добро знаат што значи оваа негатива во оваа фаза, па искусниот Бернардо Силва отворено и искрено призна дека тие веќе ја загубиле титулата во Англија без разлика на тоа што што останува многу да се игра.
-Во моментов се работи за прифаќање на реалноста. Не гледам во Ливерпул, јас сум шести или седми во лигата. Не можам да ги гледам Ливерпул, Арсенал или што и да е. Во моментов го гледам следниот натпревар, обидете се да освоиш три бода за да бидеш петти, четврти и трет. Потоа на десет натпревари од крајот на сезоната можете да почнете да правите малку математика за да видите каде можете да одите.
-Би рекол дека [титулата во Премиер лигата] не е невозможна затоа што во фудбалот нема невозможни, но во моментов Сити е целосно надвор од трката за титулата. Нема прашање за тоа. Доцна е за нас. Луѓето секогаш велат дека не освојуваш лига до јануари, но можеш да ја изгубиш, а во оваа сезона реалноста е дека ја загубивме, -порача Португалецот.
