51
Андриј Шевченко два месеци се задржа на клупата на Џенова. Не успеа да го раздвижи тимот, не успеа да победи во девет натпрвари во Серија, освои само три бода, поради што доби отказ.
Како сега стојат работите, Шевченко нема да биде долго без работа. Влијателниот „Рекорд“, тврди дека Украинецот добил понуда од Бенфика да го наследи Жорж Жесус.
Бенфика го отпушти Жесус пред три недели.
„Рекорд“, тврди дека Шевченко ја разгледувал понудата.
Андриј Шевченко, пред Џенова беше селектор на Украина, со која играше во четвртфиналето на ЕУРО 2020.
