Популарната хрватска пејачка Северина уште еднаш се осврна на актуелните власти во Србија и негираше дека има негативни чувства кон Србите.
Северина го коментираше претседателот Александар Вучиќ како гостин во емисијата „Конечно петок“.
„Ова е човек кој кажува апсолутни лаги, кој врши репресија во државата, кој сега апси активисти наместо некои министри што украле нешто… Наместо да се стави себе во затвор, тој става во затвор обични луѓе. рече Северина и додаде:
„Го сакам народот, ги сакам Србите, но не ми се допаѓа нивната влада. И тогаш таа влада се однесува како ако не ги сакам нив, не ги сакам сите. И тоа не е вистина, тоа се моите луѓе“.
Да потсетиме, Северина на крајот на август беше приведена на границата со Србија и со неа припадници на МУП направија информативен разговор. По разговорот и е дозволен влез во Србија, но сепак решила да се врати во Хрватска.
„За време на сослушувањето почнаа да ми поставуваат прашања што мислам за Сребреница, Олуја, зошто ги поддржував демонстрациите против ископувањето на литиум и напишав дека ова е Србија што ја сакам, без многу објаснување. Го допреа и Јасеновац, стигнаа и до Туѓман“, изјави таа.
Во текот на разговорот, Северина ги прашала органите на прогонот зошто не го уапсиле Олаф Шолац, кој неодамна беше во Србија, иако Германија гласаше за Резолуцијата за Сребреница.
