Се урна хеликоптер во Германија, две лица загинаа

Хеликоптер се урна денеска во близина на Грединг во германската покраина Баварија при што загинаа двајцата пилоти. Несреќата се случила во пошумена површина, а на местото на настанот се голем број полициски службеници.

Според достапните информации, хеликоптерот се урнал на тешко пристапен терен, што го отежнувало пристапот на спасувачките екипи. Причината за несреќата се уште не е позната, а истрагата е во тек.

Идентитетот на загинатите пилоти се уште не е соопштен. Локалните власти ги повикуваат граѓаните да ја избегнуваат зоната на несреќата за да им овозможат на итните служби да работат непречено. Повеќе информации ќе има откако надлежните органи ќе ја завршат истрагата и ќе излезат со официјално соопштение.