Земјотрес со јачина од 3,6 степени според Рихтеровата скала е почувствуван синоќа на југот на Хрватска, Босна и Херцеговина и Црна Гора и вознемири многу граѓани долж брегот на крајниот југ.
Според ЕМСЦ, земјотресот бил почувствуван во 0:52 часот, а епицентарот бил на околу 20 километри од Требиње во Босна и Херцеговина и на околу 70 километри од Подгорица.
Жителите на Дубровник и околните градови до ЕМСЦ пријавиле дека земјотресот бил почувствуван силно, но кратко, во реонот на бројни градови, од Мокошица, Осојник до Жупа и Конавле, пишува 24сата.хр.
Краткo, но интензивнo, силно загрме и стресе“, се најчестите коментари на голем број граѓани.
Според достапните податоци, епицентарот на земјотресот бил лоциран во област со географски координати на географска ширина 42,6277 и географска должина 18,4451.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 5 километри под површината на земјата..
