Се повеќе деца имаат проблеми со видот

Зголемен е бројот на деца кои имаат потреба од очила со диоптер а зголемен е и бројот на хируршки интервенции кај очите на децата.

Покрај вродени аномалии, и прекумерната употреба на таблети, компјутери и забавни игри на Play Station имаат големо влијание врз оштетувањето на очите кај децата.

Офталмолозите препорачуваат да се проверуваат очите барем еднаш годишно, како и да се ограничи употребата на технолошки уреди или паметни телефони.

Во повеќето случаи, офталмолозите велат дека родителите навреме не ги забележуваат проблемите па затоа се препорачуваат редовни посети на офталмолозите.