42
Од оваа сабота повторно ќе биде отворена Зоолошката градина на град Скопје.
Зоолошката градина беше затворена за посетителите 21 ден поради случај на птичји грип. Беше извршено хумано убивање на 24 патки, 6 гуски, 5 кокошки и една чавка. Вработените како и една тестирана посетителка која пројавила симптоми беа негативни на грипот.
Зоолошката градина ќе биде отворена за посетителите од 09:00 до 16:00 часот секој ден, соопштија на официјалната фејсбук страна и ги повикаа посетителите да уживаат во сончевите есенски денови.
