Home » СДСМ: ВМРО-ДПМНЕ и Арсовска наместо бесплатен јавен превоз, го поскапуваат превозот во ЈСП

СДСМ: ВМРО-ДПМНЕ и Арсовска наместо бесплатен јавен превоз, го поскапуваат превозот во ЈСП

by Журнал.мк

Партиските кадри на Данела Арсовска за само две недели ја закочија и уназадија работата на Јавното сообраќајно претпријатие. Данела Арсовска и ВМРО-ДПМНЕ наместо бесплатен јавен превоз го поскапуваат автобускиот превоз преку воведување на билет од 120 денари, соопшти СДСМ.

„ Неспособно да се справи со предизвиците, раководството на ЈСП уште во првите недели по поставувањето бара помош од Владата. ЈСП е под надлежност на Град Скопје и за помош прво треба да се обрати кај градоначалничката Арсовска.

Владата му помогна на ЈСП со тоа што му даде гаранција за заемот од 70 милиони евра од Европската банка за обнова и развој за спроведување на Бас рапид транзит системот. Заради лични хирови, Арсовска го прекина овој проект кој треба сериозно да го унапреди квалитетот на јавниот превоз во Скопје.

Наместо да го продолжи проектот за кој се издвоени средства, Арсовска ги лаже скопјани дека ќе воведе бесплатен превоз дури за две години отсега. Арсовска и ВМРО-ДПМНЕ не знаат да управуваат со ЈСП, а не пак да донесат 250 нови автобуси и да воведат бесплатен јавен превоз.

Со стопирање проекти, кратење пари за животната средина, поништување огласи и груба партизација, Арсовска и ВМРО-ДПМНЕ покажаа дека не се грижат за граѓаните, туку само за своите лични и партиски интереси“ се додава во партиското соопштение.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More