Home » СДСМ утврди тројца заменик-министри за здравство, финансии и информатичко општество и администрација

СДСМ утврди тројца заменик-министри за здравство, финансии и информатичко општество и администрација

by Журнал.мк

Владимир Рендевски, актуелниот директор на клиниката за неврохиругија ќе биде заменик министер за здравство, тој доаѓа од истата клиника како и претходниот министер за здравство Венко Филипче, и е доцент по хирургија и неврохирургија на катедрата на медицинскиот факултет.

Филип Николовски од КБ пензиско друштво е предложен за заменик во министерството за финансии, кој според СДСМ, е независен финансиски и инвестициски експерт, со долгогодишно искуство во финансиите и инвестициското банкарство.

Промена нема да има во местото заменик-министер во Министерството за информатичко општество и администрација. Според информациите, Александар Бајдевски повторно ќе биде на истата функција.

Ова се дел од решенијата за заменици министри за кои синоќа премиерот Димитар Ковачевски ги информирал сопартијците на Централен одбор, а новите имиња треба да бидат предложени и до собранието. Сопартијците му дале овластување да преговара и за останатите кандидати за заменици министри кои ќе бидат од коалицијата.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk