Сари со ултиматум во Лацио: Или Таре или јас

Маурисио Сари му порачал на газдата на Лацио, Клаудио Лотито дека ќе си замине од клубот ако не биде „тргнат“ спортскиот директор на клубот Игли Таре, по разочарувачкиот зимски преоден рок и трансферот на Португалецот Жоване Кабрал.

Според „Раи спорт“, Сари и неговиот тим немале поим за кој фудбалер се работи и почнале да бараат негови видеа на Јутјуб, додека Таре го финиширал договорот. Весникот „Ил месаџеро“ пак, додава дека Сари му порачал на Лотито дека мора да биде вклучен во носењето одлуки за засилувањата кои му се потребни на римскиот клуб.

Вчера, навивачите на Лацио најавија протест пред тренинг-центарот на клубот во Формело поради „катастрофалната“ стратегија на водење на клубот.