54
Заврши истрагата на бугарските истражни органи за сообраќајната несреќа на делницата Струма. Возачот на автобусот „Беса Транс“ е виновен за несреќата во која загинаа 45 македонски државјани, изјави за БТВ бугарскиот обвинител Борис Сарафов.
Вели дека причината за несреќата е губење на контрола врз автобусот од страна на возачот, но и високата брзина, која сепак била во рамки на пропишаната сигнализација.
Сарафов најавува дека преку судски пат ќе се известат роднините на загинатите дека можат да извршат увид во материјалите прибрани за време на истражните дејства.
