Соединетите Американски Држави ќе објават план за решавање на војната во Украина на претстојната Минхенска безбедносна конференција, објави агенцијата Блумберг, повикувајќи се на добро информирани разузнувачки извори.
„Специјалниот претставник на американскиоит претседател, Кит Келог ќе го претстави нацрт планот пред сојузниците“, наведува американската агенција.
Соговорните не открија детали за форматот на разговорите и колку би можел да биде релевантен.
Минхенската безбедносна конференција ќе почне на 14 февруари и ќе трае до 16 февруари, осум дена до одбележување на третата година од руско-украинската војна. Келог претходно го потврди учеството на конференцијата, како и водење на разговори со сојузниците за Украина. Според украинските медиуми, тој ќе отпатува во Киев на 20 февруари.
Американскиот весник „Волстрит журнал“ потсетува дека претседателот Трамп му наложил на Келог да издејствува прекин на војната во Украина во рок од 100 дена.
