Home » Републиканката Луна бара портрет на Трамп да се постави на планината Рашмор

Републиканката Луна бара портрет на Трамп да се постави на планината Рашмор

by Журнал.мк

Претставничката на републиканците од Флорида, Ана Паулина Луна, му предложи на американскиот Конгрес легислатива што ќе му наложи на секретарот за внатрешни работи да го издлаби ликот на претседателот Доналд Трамп на Националниот споменик на планината Рашмор во Јужна Дакота.

Луна, која првпат беше избрана во 2022 година и реизбрана во ноември минатата година, истакна дека законот има за цел да му оддаде почит на Трамп „за неговото трансформативно влијание врз Америка и историското значење на неговото лидерство“.

– Храброто лидерство на претседателот Трамп и непоколебливата посветеност на американската величина го зацементираа неговото место во историјата. Планината Рашмор, безвременски симбол на слободата и силата на нашата нација, заслужува да го одрази неговото огромно наследство – наследство што е дополнително зацементирано со силниот почеток на неговиот втор мандат, истакна Луна.

Според неа Трамп засекогаш ќе остане запаметен „меѓу великаните како што се претседателите Џорџ Вашингтон, Томас Џеферсон, Абрахам Линколн и Теодор Рузвелт“.

Трамп во 2020 година ги негираше медиумските извештаи дека Белата куќа контактирала со тогашната гувернерка на Јужна Дакота, Кристи Ноем, за поставување на неговиот лик на планината Рашмор, иако тој додаде дека тоа „му звучи како добра идеја“.

Ноем, која е потврдена за секретар за домашна безбедност, на 4 јули 2020 година, по повод Денот на независноста на САД, на Трамп му подари скулптура од планината Рашмор на која беше врежано неговото име.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk