Пролетта во Првата македонска фудбалска лига ќе ја отворат Гостивар и Вардар. Амбициозниот клуб од под Шар Планина ќе биде домаќин на најтрофејниот колектив во Македонија. Двете екипи минатата година беа второлигаши, заедно дојдоа до елитата и имаат амбиции да останат во неа. Дури гостиварчани целат и уште повисоко, а така и котираат.
Есенската полусезона Гостивар ја заврши со добра форма, на петтата позиција на табелата со 24 бода, додека вардарци се последни, но имаат само седум бода помалку. Тоа најдобро зборува за израмнетоста на лигата оваа година. Освен водечката тројка (Струга, Шкупи и Шкендија), сите останати тимови се во интервал од десет бода од четвртото до последното место…
Во пролетта двата клуба влегуваат по доста промени во играчкиот кадар. Гостивар сериозно го засили својот состав, доведе неколку звучни имиња и нов тренер, Исмаил Аталан. Во клубот пристигнаа играчи со искуство во силни лиги, па така промовирани беа хрватскиот напаѓач Петар Слишковиќ, носителот на играта на Тиквеш, Иван Ивановски, германскиот дефанзивец Томас Меизнер, детето на Фенербахче меѓу стативите Ертен Ерсу и перспективниот Берат Калкан.
Од друга страна, Вардар се раздели со доста фудбалери, но и доведе доста замени. Новата „ера“ во клубот ја доби тренерот Горазд Михајлов, кој од Силекс се пресели во скопските „црвено-црни“, а игра на среќа беше дека во спротивен правец замина Александар Васоски. Новајлии во тимот на вардарци се Марјан Алтипармаковски, Мустафа Мујезиновиќ, Марјан Ристовски, Дејан Ѓуриќ, Лука Шушњара, Александар Ѓурковски, Методија Велковски, Михаел Бришки и Кеба КебелСусо.
Од гледна точка на исходот на натпреварот, навистина е тешко да се предвиди било што. Мала предност имаат гостиварчани кои славеа на првиот сезонски дуел во Скопје со 0-2, меѓутоа и Вардар има свои амбиции. Веројатно натпреварот ќе биде тврд и нема да понуди многу голови.
