Деменција е состојба на непрекинато опаѓање на функцијата на мозокот. Тоа може да влијае на помнењето, но и вештините за размислување, говор, разбирање и расудување. Затоа, важно е да се препознаат некои од најчестите симптоми.
Голем број луѓе се борат со деменција, но свесноста во општеството за тоа сè уште останува ниска. И покрај се почестите дискусии за менталното здравје, многу малку луѓе се свесни за предупредувачките знаци на деменција. Затоа, британскиот психијатар, проф. Ахмед Ханкир открива на кои симптоми треба да се обрне внимание, а тоа се: Заборавање работи, предмети или неодамнешни настани, губење нешта или нивно погрешно поставување, изгубеност и расеаност при одење или возење, проблеми во разговор, наоѓање зборови и тешкотии во извршувањето познати задачи.
Лицата со деменција понекогаш забораваат некои нешта, на пример имињата на роднините и пријателите, датумите за состаноци или роковите за плаќањето сметки. Тие, исто така, може да заборават да ја исклучат рерната и да ја заклучат влезната врата. Тука е и честото губење предмети, на пр. клучеви или парични… На луѓето со деменција може да им биде тешко да ги изразат своите мисли и да разберат што зборуваат другите, па тоа ги отежнува разговорите. Покрај тоа, тие често се борат со едноставни задачи, како готвење или други секојдневни обврски коишто порано ги правеле со леснотија, појасни Ханкир.
Психијатарот посочува дека овие симптоми не мора да значат деменција, но ги советува сите засегнати лица да одат на лекар заради соодветна проценка и преглед.
