Поранешниот амбасадор во Германија, Горан Рафајловски во 24 анализа рече дека Македонија треба да ја држи линијата на Европската унија. Според него, грешка на Европа е во тоа што слепо ја следи американската политика.
„Македонија треба да ја држи линијата на ЕУ политички и тоа не исклучува да се водат контакти со САД. Македонија не игра доминанта улога во геополитиката. Нашето место географски и политички е во ЕУ и такви ад хок потези кои ги правиме се феномен на мало дете кое се чувствува навредено, промена на име, на знаме, на устав. Тоа се ад хок решенија и рекација, незрела рекација и во таа насока сметам дека Македонија како да нема дипломатска стратегија каде би се движела во наредните 15- 20 години. Нашата дипломатија треба да е независна. Мојот став е дека треба да ја држиме позицијата на ЕУ“, изјави Рафајловски.
Тој зборуваше и за тоа дека Европа слепо ја следи американската политика и поради тоа има недостаток на самостојни и дипломатски решенија.
„Грешката на Европа е во тоа што речиси слепо ја следи американската политика и ми се чини дека недостаток на европската политика е самостојни и дипломатски решенија и тоа се покажа како фатално во следењето на политиката на Џо Бајден сега доаѓа Трамп и се менува надворешната политика на САД и во принцип може да делува несиомпатичен или симпатичен, мене ми е симпатичен дека се обидува да воведе трендови“, додаде Рафајловски.
