Home » Радев: Убеден сум дека Владата и Парламентот ќе ги преземат неопходните мерки за влез во еврозоната

Радев: Убеден сум дека Владата и Парламентот ќе ги преземат неопходните мерки за влез во еврозоната

by Журнал.мк

Убеден сум дека Владата и Парламентот ќе ги преземат неопходните мерки и ќе ги донесат неопходните одлуки за да влеземе во еврозоната, изјави претседателот на Бугарија, Румен Радев на отворањето на форумот на магазинот „Економист“ во Софија. Шефот на бугарската државата е почесен гостин и предавач на форумот, јави БТА.

„Бугарија отсекогаш била составен и важен дел од Европа. Не можеме да си дозволиме да станеме периферија на Европската унија. Во нашиот договор со ЕУ пишува дека ќе влеземе во Шенген и во еврозоната“, посочи шефот на државата.

„Сега се води дебата во општеството, но прашање е кога ќе станеме членка на еврозоната и убеден сум дека бугарската влада, парламентот и сите институции ќе ги преземат неопходните мерки и ќе ги донесат неопходните одлуки за ние да влеземе во еврозоната“.

Треба да развиеме силен механизам за следење и контрола на цените, во спротивно ќе бидеме разочарани. Мора да се воведат контролни механизми и морам да кажам дека веќе доцниме, истакна Румен Радев.

You may also like

This website uses cookies to improve your experience. We'll assume you're ok with this, but you can opt-out if you wish. Accept Read More

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk