„Верувам дека сојузничките односи меѓу Бугарија и САД ќе продолжат да се развиваат во корист на нашите народи и врз основа на нашите заеднички интереси и високи одговорности за промовирање на глобалниот мир и безбедност.“ Ова го наведува шефот на бугарската држава Румен Радев во честитката до претседателот на САД Доналд Трамп, во која му посакува нему и на американскиот народ здравје и успех по повод Денот на независноста на САД- 4 јули.
Во писмото, бугарскиот претседател изразува задоволство од нагорниот развој на стратешкото партнерство меѓу Бугарија и САД, а воедно го споделува и своето верување во продолжувањето на плодната интеракција меѓу двете земји во сите клучни области на соработка, во интерес на бугарскиот и американскиот народ. Како приоритети, шефот на државата ги истакнува промоцијата на билатералната трговија и инвестиции, развојот на соработката во областите на безбедноста и одбраната, енергетиката, високите технологии и вештачката интелигенција, како и контактите меѓу граѓаните на двете земји.
Румен Радев, исто така, ја истакнува важноста од постигнување резултати по клучните прашања на заедничката агенда, како што е вклучувањето на нашата земја во Програмата за укинување на визите на САД, што би донело нов силен импулс во стратешкиот дијалог меѓу Бугарија и САД во корист на двете земји.
