Home » рад со големина на орев ги побеле градот и околината

рад со големина на орев ги побеле градот и околината

by Журнал.мк

Од видеата и фотографиите што се објавени на социјалните мрежи може да се види дека од градот има предизвикано штети на земјоделските култури, а улиците и дворовите се побелени.

Најмногу врнежи од град имало во потесното подрачје на Демир Капија.

Од локалната самоуправа велат дека допрва ќе се утврдува колкави се штетите од врнежите на градобијни зрна.

„Има оштетувања врз виновите лози и дрвцата, земјоделските култури по дворовите. Засега нема точни информации каква е состојбата со земјоделските култури надвор од населбата. Евентуалните поголеми штети таму, би се утврдувале дополнително, со комисиско излегување на терен“,велат од Општината во изјава за МИА.

Општинските власти велат дека по невремето во Демир Капија имало и прекин на електричната енергија.

Вечерва и од Центарот за управување со кризи (ЦУК) информираа дека од Управата за хидрометеоролошки работи (УХМР) добиле информација за нестабилност и оти стационарна нестабилност со пороен дожд и грмежи подолго време се задржува во подрачјето околу Кавадарци, Неготинио и Демир Капија.

Од УХМР и за утре најавуваат дека во текот на денот ќе има локална појава на пороен дожд и грмежи, кои на некои места ќе бидат во форма на невреме со интензивен пороен дожд, силен ветер и изолирана појава на град.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More