55
Македонскиот прволигаш Работнички официјално ја објави разделбата со досегашниот шеф на стручниот штаб Горан Станиќ. „Романтичарите“ му се заблагодарија на Станиќ за одличната сезона и резултатот што го оствари со тимот, враќајќи го Работнички на европската сцена по седум години.
Последниот натпревар од шампионатот против Брера беше воедно и последен за Горан Станиќ како шеф на стручниот штаб на клубот од Дебар Маало. Во иднина, тој целосно ќе се фокусира на својата улога како селектор на младата репрезентација на Македонија до 21 година.
Работнички беше важна станица во тренерската кариера на Станиќ, кој пред ова имаше искуство и во младинските селекции на Македонија до 17, 18 и 19 години.
