Во говорот по повод празникот на вработените и ветераните во Министерството за надворешни работи на Русија, рускиот претседател Владимир Путин истакна дека во годината на 80-годишнината од Големата победа во Втората светска војна, руските дипломати ќе продолжат со својата активна работа за сузбивање на сите обиди за фалсификување на историјата.
Честитајќи им го празникот на вработените и ветераните во руското Министерство за надворешни работи, Путин рече дека Русија ќе продолжи да се бори против манифестациите на неонацизам, русофобија и други форми на дискриминација врз основа на националност, пренесува РИА Новости.
Според него, заштитата на правата на Русите во странство сè уште бара посебно внимание.
„Убеден сум дека обединетиот тим на Министерството за надворешни работи ќе продолжи да работи што е можно поефикасно, промовирајќи го зајакнувањето на надворешнополитичките позиции на Русија“, рече рускиот лидер.
