Елена Христова, пејачката на етно сотавот „Баклава“, утре (1 јули) ќе го промовира својот авторски албум „Јоркулук“. Промоцијата ќе се одржи во скопското „Бифе Тафталиџе“ од 20.30 часот.
„Албумот е мој авторски материјал, а го работев како истражување на обичаите и песните на Јуруците од Источна Македонија. Драго ми е што дојде време за слушачка промоција на албумот“, вели Христова.
Ако и вас ве збунува називот на албумот Јоруклук, да објасниме дека Yörük на турски е името за Јуруците, номадски или полу-номадски народ кој живее претежно во планинските подрачја на југозападна и јужна Турција, но историски и на Балканот (вклучително и во Македонија). „Yörüklük“ е турски збор и се користи за да го означи „јоручкиот начин на живот“, „јоручката традиција“ или „припадноста на јоруците“.
Албумот се издава на цеде и плоча, а автор на омотот е Дивна Пешиќ.
