Претседателката Сиљановска Давкова со посебна благодарност за херојот Јован, спасителот на 21 живот

Претседателката Гордана Сиљановска-Давкова со искрена човечка грижа ги посети седумте пациенти хоспитализирани на Клиниката за токсикологија по трагичниот настан. Ја запознав со нивната подобрена здравствена состојба, а таа им посака брзо оздравување, информира директорот на Клиниката, Андон Чибишев.

Претседателката, посебно му се заблагодари на младиот херој Јован – момчето кое со својата храброст спаси 21 живот од огнената стихија. Оваа посета за нас е не само пример за грижа за младите, туку е признание за посветеноста на вработените, пишува Чибишев на Фејсбук.