Home » Претседателката Санду го потпиша указот за почеток на преговорите за членство на Молдавија во ЕУ

Претседателката Санду го потпиша указот за почеток на преговорите за членство на Молдавија во ЕУ

by Журнал.мк

Претседателката на Молдавија, Маја Санду соопшти дека го потпишала указот за почеток на преговорите за влез на земјата во Европската унија.

„Денеска го потпишав Указот за почеток на преговорите и пристапување на Молдавија во ЕУ. Молдавија ги спроведе сите препораки на Европската комисија. На овој начин, две години по добивањето кандидатски статус, на 25 јуни ќе се одржи првата меѓувладина конференција Молдавија-ЕУ, која ќе го означи почетокот на преговорите за влез во алијансата“, напиша Санду на социјалните мрежи.

Таа додаде дека за главен преговарач од Кишињев е назначена вицепремиерката за евроинтеграции Кристина Герасимов.

Во меѓувреме, белгиската мисија објави дека сите 27 земји на ЕУ го одобрија почетокот на пристапните преговори со Украина и Молдавија на 25 јуни во Луксембург.

На самитот на ЕУ на 14 декември 2023 година беше одлучено да започнат преговори со Украина и Молдавија за идно членство во Европската унија. Во јуни 2022 година, ЕУ на овие земји им додели статус на земји кандидати за членство во ЕУ, поставувајќи неколку строги услови за формален почеток на пристапните преговори. ЕУ постојано призна дека таквата одлука во голема мера била симболична за да ги поддржи Киев и Кишињев во нивната конфронтација со Москва.

Статусот на земја кандидат за членство во ЕУ, како и почетокот на преговорите, не мора да значи дека земјата ќе влезе во Европската унија, ниту пак го обврзува Брисел на нешто. Добивањето кандидатски статус е само почеток на прилично долгиот пат до влез во ЕУ.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More