Кочани и следната сезона ќе гледа второлигашки фудбал, откако Осогово имаше среќа во ждрепката од поразените екипи од бараж натпревари со што тимот го сочува второлигашкиот статус благодарение на среќата во ждрепката.
„Жетварите“ од Кочани беа поразени во баражот од Шкендија Арачиново со 2:1 во Кавадарци.
Големо Коњари после повеќе од 30 години се врати во Втората македонска фудбалска лига, откако клубот имаше среќа во ждрепката. Шампионот на Трета лига – Југ загуби во баражот преку пенали од Тетекс, а во ждрепката му се насмевна среќата на овој клуб.
Од поразените екипи во баражот среќа немаше само Преспа, Ресен и натаму ќе остане без можност да следи второлигашки фудбал, само екипата на Преспа која во баражот беше декласирана од Слога Виница со 3:0 немаше среќа во ждрепката и останува во Трета лига – Југозапад и во следната сезона.
