ДУИ ги праша коалициските партнери ВМРО-ДПМНЕ и ВЛЕН зошто имаат различни ставови околу вработувањето на Албанците во државните институции. Ова прашање беше отворено на седницата за пратенички прашања.
„Имаме паралелна реалност каде дел од власта го прокламира големиот успех со вработувањето на Албанците во изминатите осум години, се разбира според господинот Меџити, додека остатокот од власта го негира постоењето на овој таканаречен голем успех. Ако Министерството за финансии нема потпишано никаков работен однос по етничка основа како што изјавува министерката Димитриеска-Кочовска, а ние веруваме во ова, бидејќи нема балансер, а законот за правична застапеност го очекуваме еднаш овој четврток, потоа следниот четврток, зар не треба Меџити и неговите пријатели да признаат дека работат во свет каде што секоја изјава создава своја реалност, каде според нивниот коалициски партнер, едноставно е како во книгата „Алиса во земјата на чудата“, рече Рина Ајдари, ДУИ.
Премиерот Христијан Мицкоски рече дека е проблем да се најдат квалификувани и заинтересирани лица за работа во јавните институции. Тој рече дека не се заинтересирани да вработуваат по принципот на вработување во Државна лотарија.
Рамката на новиот закон за правична застапеност, според Мицкоски, е готова. Законот ќе биде уставен, ќе биде одобрен од Венецијанската комисија и потоа ќе биде усвоен.
