Фудбалерот на Манчестер сити, Родри, ја освои Златната топка со 41 глас повеќе од второпласираниот играч на Реал Мадрид, Винисиус Жуниор, објави Фабрицио Романо.
Доделувањето на овогодинешната Златна топка, која се доделува на најдобриот играч од претходната сезона, се одржа на 28 октомври во Париз, а точниот број на гласови кои ги освоил секој играч не беше веднаш достапен.
Ниту еден претставник на Реал Мадрид не присуствуваше на церемонијата, бидејќи однапред знаеја дека Винисиус Жуниор нема да ја добие наградата. Реал сметаше дека организаторите на наградата покажале непочитување кон тој клуб.
Минатата сезона Родри ги освои Премиер лигата, ФА Купот, Суперкупот на Европа и Светското клупско првенство со Манчестер сити, а со шпанската репрезентација и Европското првенство во Германија, каде беше прогласен за најдобар играч на турнирот.
Винисиус Жуниор минатата сезона со Реал Мадрид ја освои Лигата на шампионите, Ла Лига и шпанскиот Суперкуп. На третото место заврши играчот на Реал Мадрид, Џуд Белингам, а четвртиот неговиот клупски соиграч Дани Карвахал.
Реал Мадрид е избран за најуспешен клуб во минатата сезона, а неговиот тренер Карло Анчелоти за најдобар тренер.
