“Lotus” драстично го промени своето работење во последните години. По влезот на нов инвеститор, асортиманот беше реновиран и започна електрификацијата. Продажбата брзо скокна, но загубите се зголемуваат. “Lotus Tech”, продажната група на “Lotus Group”, објави дека нејзината нето загуба се зголемила на 202 милиони долари во периодот април-јуни од 193 милиони долари една година порано, пишува “Automotive News Europe”. И сето тоа во квартал во кој приходите скокнале од 111 на 225 милиони долари.
Компанијата досега продаде 4.873 автомобили на глобално ниво оваа година, што е зголемување од 239% во споредба со минатата година. Наглото зголемување може да се припише на почетокот на испораките на два нови електрични автомобили, теренецот “Electra” и седанот “Emeya”.
Сега, откако се зголемија загубите и забележа проблеми на пазарот на електрични автомобили, “Lotus” ја менува својата политика. Веќе е откриено дека се преминува од планот за продажба на 26.000 автомобили годишно кон значително поскромна цел.
„По проценката на еволуирачките пазарни услови и несигурноста што ја предизвикуваат новите тарифни политики на САД и ЕУ, компанијата ја ревидираше целта за испорака во 2024 година на 12.000 единици“, се вели во соопштението на “Lotus Tech” објавено во средата.
Во “Lotus” ја оправдуваат загубата со зголемување на трошоците за продажба и маркетинг поврзани со неговото проширување. Затоа, тие сега започнуваат стратешки план наречен „Win26“, кој има за цел „понатамошно оптимизирање на внатрешните процеси и структури, спроведување мерки за намалување на трошоците и рекалибрирање на плановите за производи за исполнување на глобално различни пазари. Крајната цел е да се постигне позитивен оперативен готовински тек.
Потсетуваме, “Lotus” е под контрола на кинескиот гигант “Geely”, кој го поседува и “Volvo”, но и финансиски не многу добриот “Polestar”. Последниве забележаа загуба од 242 милиони долари поради намалувањето на побарувачката за електрични возила, па не е чудно што на чело на брендот се донесе нов лик. Мајкл Лохшелер ќе го замени Томас Ингенлат, кој го предводеше брендот од неговото основање во 2017 година.
