Home » Повторно нападнат политичар во Германија

Повторно нападнат политичар во Германија

by Журнал.мк

Кандидатот на партијата Алтернатива за Германија (АфД) за локалниот совет бил нападнат со нож во градот Баден-Виртемберг во Германија, јавуваат германските медиуми.

Според Билд, политичарот бил повреден со скалпел во вторникот вечерта, а напаѓачот бил уапсен.

Инцидентот се случил во 22:45 часот во близина на пазарот откако десничарскиот кандидат на АфД фатил вкупно три лица како кинеле плакати, од кои едното го нападнало и го повредило со остар предмет.

Двајца се уште се во бегство, а оружјето користено во нападот е скалпел, изјави партискиот портпарол.

Политичарот на АфД сè уште е во болница, но наводно претрпел само исеченици.

Полицијата во Манхајм засега само потврди дека имало полициска интервенција, а подетални информации се очекуваат во текот на денешниот ден.

Конзервативниот политичар и антиисламски активист Михаел Стурценбергер беше избоден со нож на 31 мај за време на јавен митинг во Манхајм, по што полицијата пукаше и го рани напаѓачот.

Во тој напад загина еден полицаец и повредени беа уште неколку лица, а постои сомневање дека се работи за напад од верска основа.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More