Во слабото претпразнично тргување, цените на нафтата денеска пораснаа за околу 30 центи за барел, поттикнати од благо позитивните краткорочни пазарни изгледи.
На лондонскиот пазар барел сурова нафта се тргуваше по цена од 36 центи повисока, од 72,9 долари. На американскиот пазар, пак, со барел сурова нафта се тргуваше по 34 центи повисока цена, по 69,58 долари.
Аналитичарите на FGE очекуваат дека цените на нафтата ќе флуктуираат околу сегашните нивоа на краток рок, бидејќи активноста на пазарите на деривати се намалува како што се наближува празничната сезона и учесниците на пазарот остануваат на маргините додека не добијат појасна слика за глобалниот биланс на нафта за 2024 и 2025 година.
Најголемиот светски увозник на нафта – Кина – планира да издаде специјални државни обврзници во вредност од три трилиони јуани (395 милијарди евра) следната година и ги зголемува фискалните стимулации за да ја заживее болната економија. Ова најверојатно ќе обезбеди краткорочна поддршка за цените на суровата нафта на американскиот пазар од 67 долари за барел.
