Home » Поранешен директор на ЦИА: Требаше да го слушаме Путин, тој ни кажува во што верува

Поранешен директор на ЦИА: Требаше да го слушаме Путин, тој ни кажува во што верува

by Журнал.мк

Поранешниот директор на американската Централна разузнавачка агенција (ЦИА) Дејвид Петреус денеска ги предупреди западните земји да се разбудат затоа што рускиот претседател Владимир Путин ќе влезе во војна со НАТО доколку победи во војната во Украина.

„Тој беше многу јасен и мислам дека е јасно, гледајќи наназад, дека требаше да го слушаме (Путин). Тој ни кажува во што верува“, рече Петреус во интервју за Сан.

За да го победи Путин, истакна Петреус, Западот мора да направи се што е можно за да и помогне на Украина.

„Украинската војна може да се прошири во регионот доколку Путин успее во Украина. Тој нема да биде задоволен со застанувањето во Украина. Молдавија очигледно би била следната, а после тоа би можела да биде Литванија или некоја од балтичките земји“, рече Петреус.

Тој оцени дека клучот за победата на Украина е брзото зголемување на бројот на војници и воена моќ со помош на нејзините западни сојузници.

„Реалноста е тешка и тоа е дополнителна причина зошто треба да направиме се што можеме за да и помогнеме на Украина на секој можен начин“, рече Петреус.

Тој додаде дека Украина мора да направи и голем технолошки напредок, потсетувајќи на нејзиниот успех во поразот на руската флота во Црното Море.

„Имајте на ум дека тие (Украинците) го направија она што го направија во Црното Море, не со помош на бродови или морнари, туку со беспилотни летала. Поморските беспилотни летала, воздушните беспилотни летала и противбродските проектили им овозможија да потонат третина од флотата во Црното Море“ рече Петреус.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More