43
Полска утре од Унгарија ќе го преземе шестмесечното претседавање со Советот на ЕУ, при што, како што е најавено, ќе ги поддржи активностите кои ја зајакнуваат европската безбедност во сите нејзини димензии – надворешна, внатрешна, економска, информативна, енергија, храна и здравје.
Мотото на претседателството ќе биде „Безбедност, Европа“ што, како што рече претходно полскиот министер за прашања на ЕУ, Адам Шлапка, ги одразува актуелните предизвици со кои се соочува континентот.
Полска го презема претседавањето со Советот на ЕУ во време на неизвесност и загриженост, а според програмата на ова претседателство се споменува и поддршка за проширување на ЕУ засновано на заслуги.
