Влегуваат ли во политички флерт Филипче и Таравари откако од Бихаќка најавија дека следната недела најверојатно ќе има средба помеѓу двајцата колеги во секторот здравство еден поранешен министер а другиот се уште актуелен но средбата ќе ја базираат и од позиција на лидери на политички партии и крила.
По оладените односи на Илинденска ќе побара ли Таравари нов коалициски партнер на Бихаќка ќе биде познато наредната недела или периодот што следува. И додека партиите на големо ги тестираат можните предизборни коалиции во пресрет на локалните избори се заострува и реториката откако денеска пак ВМРО-ДПМНЕ го праша Филипче како тој можел да говори за иднината на земјата ако како што велат поседува златна виза од друга земја.
Со критики кон СДСМ денеска и лидерот на ЗНАМ Максим Димитриевски кој го впери прстот кон Филипче дека е исплашен од како што рече рапидото растење на ЗНАМ поради незадоволството на членството во Бихаќка.
Од СДСМ пак и денеска како и изминатите денови му порачуваат на Димитриевски да не се крие позади политиканство и празни политички пресконференции туку да одговори на прашањата за политичкиот дил вреден 350 илјади евра кој го направил со советниците од ДУИ и дали на повидок е нова коалиција.
– Максим Димитриевски кој со полна уста говореше дека државата е полна со криминал поради ДУИ сега истиот тој прави криминали со помош на советниците на ДУИ. ЗНАМ е во политиката поради две причини. Прво да биде продолжена рака на Мицкоски и второ Димитриевски да си ги спроведува криминалните проекти во општина Куманово.
Првиот интегративец Ахмети пак вчера од Струга со пораки до македонските политичари но и најави политички земјотрес за актуелната Влада кој како што рече Таравари добро го предвидел и затоа ја напушта власта .
– Господинот Таравари добро направи што го напушти тоа и го истражи земјотресот што ќе се случи. Тој ги почувствува големи неправди кои нè вратија 20 години назад, напуштајќи го партнерството. Браво! Но, дури и оние што остануваат, не остануваат, бидејќи ќе останат во тунелот. Нека си одат што е можно поскоро! Трагедијата е што по толку години, македонските политички сили ја применија формулата на Милошевиќ врз чесните Албанци. – Али Ахмети Претседател на ДУИ.
Изминатите денови политичкиот фокус особено е ставен на евентуалните нови преструктуирања во владината коалиција, но и што евентуалното заминување на Таравари ќе значи. Власта тврдеше дека парламентарното мнозинство е стабилно и без таравари иако тоа пак под сериозен знак прашалник го става бадентерот.
