Приведено лице од Пробиштип поради управување возило под дејство на алкохол. МВР соопшти дека утрово во 01.55 часот на магистаралниот пат Штип – Кочани, кај селото Долни Балван, општина Карбинци, полициски службеници лишиле од слобода лице(21) од Пробиштип.
При контрола во патниот сообраќај, според МВР, полициските службеници сопреле патничко возило „фолксваген пасат“ со пробиштипски регистарски ознаки, кое го управувал, и по преземени мерки било констатирано дека е под дејство на алкохол, односно дека има 1,70 промили алкохол во крвта, по што веднаш бил исклучен од сообраќај и задржан во полициска станица. По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило.
