Полиција на секој ќош, само вчера се изречени 500 казни

Полициските службеници во текот на вчерашниот ден на 796 учесници во сообраќајот им издале платни налози, а наплатени биле 500 казни за прекршоци во сообраќајот.

Дури 145 од овие случаи биле за непочитување на пропишаната брзина на движење.

Полициските службеници откриле и 58 лица што учествувале во сообраќајот без возачки дозволи, а во осум случаи откриени се алкохолизирани возачи.

Регистрирани се и четири случаи во кои возачите поминале на црвено светло а во сообраќајот учествувале и 15 нерегистрирани возила.

Во однос на прекршоците по основ на говорење на мобилен телефон при возење, евидентирани биле 31 прекршок.