Димовски беше претседател на Советот на честа на ЗНМ, а неодамна беше именуван во Комисијата за помилување на претседателката Гордана Сиљановска-Давкова
По долги и тешки здравствени компликации, на 47-годишна возраст почина новинарот Саше Димовски, кој во јавноста беше познат по следењето на случувањата во правосудниот систем.
Димовски беше претседател на Советот на честа на ЗНМ, а неодамна беше именуван во Комисијата за помилување на претседателката Гордана Сиљановска-Давкова.
Димовски работеше во Канал 5, Сител и Алфа теллевизија, беше основач на порталот Сведок.мк и соработник во повеќе медиуми во областа на правосудството.
Тој беше автор на голем број публикации од областа на правосудството и медиумите.
Погребот ќе се изврши во среда, 07.08.2024 година, на новите Градски гробишта во Велес.
