Пратениците на второ читање го усвоија државниот буџет на Бугарија за 2025 година по пленарна седница која траеше речиси 22 часа, јави БТА.
Во буџетот за оваа година не е предвидено зголемување на даноците, а буџетскиот дефицит е утврден на три отсто од БДП.
Пратениците гласаа утврдување на вкупната годишна квота за обезбедување ваучери за храна на електронски носител според Законот за корпоративен данок на доход во износ од 1,6 милијарди лева
Согласно усвоените текстови на буџетот на Министерството за труд и социјална политика, вкупно издвоените средства изнесуваат 3.513.932.300 лева. За Министерството за здравство вкупното финансирање е 1.203.828.300 лева. Изгласаните средства од буџетот на Министерството за образование и наука (МОН) изнесуваат 1.333.961.000 лева.
Средствата за Бугарската академија на науките изнесуваат 240.292.200 лева, за Универзитетот во Софија – 192.336.200 лева. Средствата наменети за Техничкиот универзитет во Софија се 141.787.000 лева, а за тој во Варна 30.800.600 лева. Парите за Медицинскиот универзитет во Софија изнесуваат 85.006.900 лева.
