По пет години на директорската функција во Здравствен Дом – Скопје, д-р Виктор Исјановски денеска е разрешен, дознава Фактор. На негово место ќе дојде кадар на Африм Гаши, односно тој е од редовите на Алтернатива. Изворите на Фактор брифираат дека тој е досегашен советник во Општината Бутел и дека по професија не е лекар.
Приомопредавањето на директорската „палка“ ќе се случи денеска во 11 часот.
Инаку, д-р. Исјановски од јуни 2019 го водеше Здравствен Дом – Скопје. Македонската јавност најмногу го знае за неговата активна активност за време на пандемијата на корона вирусот, кога ЈЗУ Здравствен дом Скопје со сите расположливи ресурси беше вклучен во борбата против Ковид-19 и кога во земјава започна да се спроведува масовна заштита со ковид вакцините.
Во Здравствен Дом – Скопје граѓаните масовно бараа закажувања на тестирањ за вирусот, оваа институција беше ангажирана и во организацијата на вакцинирањето против Ковид 19, формирање мобилни тимови, поставување пунктови.
По професија е специјалист психијатар, па како што дознава Фактор тој ќе се врати на неговото претходно работно место, во дневната болница при ЈЗУ Психијатриска болница – Скопје. Освен тоа, д-р Виктор Исјановски останува и на Медицинскиот Факултет каде што предава психијатрија и медицинска психологија.
Од неговата богата професионална дејност може да се истакне дека во 2012 год ја брани докторската дисертација со што се стекнува со звање доктор на медицински науки во областа на психијатријата. Во 2015 год. се стекнува со звање Научен соработник на Медицинскиот факултет во Скопје по предметот Психијатрија и Медицинска Психологија, а во март 2019 год ина ја завршува субспецијализацијата по Социјална психијатрија.
