Home » По 18 години СДСМ доби претседател на Собрание – избран Јован Митрески

По 18 години СДСМ доби претседател на Собрание – избран Јован Митрески

by Журнал

По цели 18 години, Социјалдемократскиот сојуз на Македонија назначи претседател на Собранието, со изборот на Јован Митрески за нов собраниски спикер. Последен претседател на Собранието од СДСМ, пред Митрески, беше Љупчо Јордановски од 2003 до 2006 година.

Митрески беше избран денес со 64 гласови ЗА и 40 гласови против од опозицијата. Тој на функцијата доаѓа по оставката на досегашниот претседател, Талат Џафери, кој ќе биде технички премиер во пероодот до изборите.

По гласањето за нов претседател на Собранието, Јован Митрески даде и потиша свечена изјава дека одговорно ќе го води парламентот и со тоа стапи на функцијата. Тој се заблагодари на Талат Џафери за досегашното, како што рече, успешно раководење со законодавниот дом, до сите пратеници и пратенички групи, како и до службите.

На денешната собраниска седница беше констатирана и оставката на премиерот Димитар Ковачевски. Оставките на Ковачевски и Џафери се за изборот на техничката влада на 28 јануари, 100 дена пред изборите во мај.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More