Pixel 9a ќе биде достапен во четири бои, со почетна цена од 499 долари, носејќи подобрени камери, поголема батерија и Google Tensor G4 чипсет.
Откако протекоа официјалните футроли за Pixel 9a, сега се откриени и првите слики од самиот телефон во четири бои: Obsidian (црна), Porcelain (бела), Iris (виолетова) и Peony (розова).
Датум на излегување и цена
Се очекува Pixel 9a официјално да биде претставен на 19 март, кога би требало да почнат и преднарачките. Телефонот би можел да биде достапен во продажба од 26 март, доколку претходните гласини се точни.
Почетната цена за моделот со 128 GB внатрешна меморија ќе изнесува $499 / £499 / €549, додека верзијата со 256 GB ќе чини $599 / £599 / €649. Двете варијанти ќе располагаат со 8 GB RAM.
Спецификации
- Чипсет: Google Tensor G4
- Екран: Детали сè уште не се потврдени, но се очекува OLED панел
- Камери:
- Главна: 48 MP, f/1.7, сензор со големина од 1/2″
- Ултраширока: 13 MP
- Селфи камера: 13 MP
- Батерија: 5.100 mAh (најголема досега во Pixel телефон)
- Полнење: 23W жично, 7,5W безжично
- Димензии: 154 x 73 x 8.9 mm
Pixel 9a би можел да донесе значителни подобрувања во однос на претходната генерација, особено во однос на батеријата и камерите, што го прави атрактивен избор во средната класа, пишува GSM Arena.
