Портпаролот на Кремљ, Дмитриј Песков, изјави дека земјите од Западот ги слушнале клучните пораки на рускиот претседател Владимир Путин, кои тој ги објави во неговиот говор на 21 ноември, откако Русија го тестираше ракетниот систем Орешник.
Според неговите зборови, Путин јасно ја објаснил руската позиција за актуелната ситуација во Украина, како и за ризиците од натамошна ескалација на конфликтот, пренесоа Риа новости.
Песков нагласи дека Путин во својот говор предупредил за опасностите од продолжувањето на испраќањето оружје во Украина, особено ракетите со долг дострел и го повика Западот да не продолжи со „политичката ескалација“.
Коментирајќи ја изјавата на портпаролот за национална безбедност на Белата куќа, Џон Кирби, кој потврди дека Украина има дозвола да користи американски ракети АТАКМС во нападите на Курската област, Песков изрази загриженост за натамошните воени чекори на Западот, кои Според неговите зборови, само зголемување на тензиите во регионот.
