Home » Пендаровски: Размислувајте за иднината на државата во целина

Пендаровски: Размислувајте за иднината на државата во целина

by Журнал.мк

Повикувајќи ги граѓаните да се обединат и помасовно да излезат на гласање на 8 мај, Пендаровски посочи дека неговата и понудата на противкандидатката се дијаметрално спротивни.

,,Јас нудам прогрес, тие нудат враќање назад. Ние ја внесовме државата во НАТО и почнавме преговори со ЕУ, тие најавуваат репреговарање на договорите кои го овозможија тоа. Со нас има слобода на говор, тие, ако се дограбат до власт, ќе апсат новинари и ќе имаме режим број 2″, рече Пендаровски пред ресенчани.

Во оваа насока, истакна Пендаровски, во времето на ВМРО-ДПМНЕ, државата беше во приватна сопственост и ги деградираа граѓаните во зависност од тоа дали некој гласал за нив или не. Истовремено, го осиромашија народот, а за себе и за своите фамилии грабаа без контрола.

,,Дојдоа скромни, си заминаа како мултимилионери”, потенцираше Пендаровски. И додаде дека граѓаните не смеат да дозволат да се вратат пак на власт и да ја уназадат државата. Пендаровски ги повика жителите на Ресен во среда да размислуваат за иднината на државата во целина, бидејќи само опцијата број 1 нуди просперитетна иднина.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More