Печалбарите ја напуштија земјава. По завршувањето на зимските одмори, тие се вратија во земјите од Европа каде што живеат и работат. Сепак, периодот на нивниот престој во нивната матична земја ја оживеа економијата. Според експертите, влијанието за државата од печалбарите во зимската сезона изнесува до 120 милиони евра. Инфузијата што државата ја добива од доаѓањето на иселениците секоја година е огромна.
„Секоја година девизните дознаки од печалбарите имаат многу важно влијание за Македонија. Девизните дознаки според вредноста што ја генерираат за влез во земјата може да се поделат на две сезони, летниот дел и празниците на крајот од годината. Во однос на вредноста, околу 80 – 120. Милиони евра се заработуваат само во оваа зимска сезона, додека вкупното влијание изнесува до 400 милиони евра. Ова има огромно влијание и врз микроекономијата и врз макроекономијата. Во микроекономска смисла тоа е поврзано со факторот на стабилност на семејството, додека во макроекономските дознаки исполнуваат некои празнини во макроекономијата. Годишните дознаки во Македонија се трипати повисоки од странските инвестиции”, рече Али Максути-Економист.
Од повеќе приходи од иселениците периодов профитираа ресторани, хотелски објекти, но и свадбени ресторани и бутици.
„Тоа многу, многу влијаеше и да не беа печалбарите во Северозападна Македонија ќе беше многу тешко дури и за егзистенција. Имавме свадби, имаше резервации дури и за 2026 година, за новата година имавме резервации, па како што реков, ако не беа иселениците, ќе беше многу тешко“, изјави Насер Авзија, претседател на Здружението на угостители на СЗМ.
