Со текот на годините нашето тело се менува исто како и неговите потреби, па така организмот во педесеттите години нема да функционира исто како во дваесеттите и ќе му биде потребно многу повеќе здрава храна и витамини, за човекот да биде здрав и да има енергија.
Едно овошје коешто е вистинска здравствена бомба којашто нуди многу бенефити за организмот, е она што секоја дама постара од 50 години треба го вклучи во својата исхрана. Станува збор за мангото коешто содржи високо количество витамин Ц и којшто е вистински зајакнувач на имунитетот. Мангото е одличен извор на бетакаротен, фотосинтетички средства, пигменти со антиоксидантски својства коишто помагаат во спречувањето на стареењето.
Покрај ова мангото ќе им биде одличен сојузник и на сите оние коишто сакаат да ослабнат. Поради неговиот ефект на заситување, ниската калориска вредност и високиот удел на лутеин, којшто помага во елиминацијата на токсини, мангото лесно се вклопува во секоја диета, а свежото манго исто така содржи калиум, калциум и магнезиум.Исто така, познато е дека мангото поради тоа што содржи витамин Б, не само што помага во одржувањето на меморијата туку и го подобрува расположението.
Неколку студии покажаа дека мангото исто така може да помогне во подобрувањето на сонот, зголемувајќи го производството на серотонин во организмот – клучниот невротрансмитер, одговорен за регулација на циклусот на спиење.
Мангото исто така може да се смета и за сојузник на убавината. Богат е со витамин А и каротеноиди како што ликопенот, за којшто е познато дека го поттикнува производството на колаген, а тоа што е уште поважно ја штити кожата од оштетувања предизвикани од УВ зрачење. Поради тоа што содржи полифенол, мангото е одличен антиоксидант кој се бори против слободните радикали коишто предизвикуваат предвремено стареење, брчки и олабавена кожа.
