Home » ОВАА ГОДИНА НЕ МОЖЕШЕ ДА ПОЧНЕ ПОУБАВО, КАЖА ТРПЧЕСКИ ОТКАКО СО ВЕНГЕРОВ ГО ВООДУШЕВИЈА И ПАРИЗ

ОВАА ГОДИНА НЕ МОЖЕШЕ ДА ПОЧНЕ ПОУБАВО, КАЖА ТРПЧЕСКИ ОТКАКО СО ВЕНГЕРОВ ГО ВООДУШЕВИЈА И ПАРИЗ

by Журнал.мк

Македонскиот пијанист од светски глас Симон Трпчески и легендарниот руски виолинист Максим Венгеров ја заокружија заедничката минитурнеја со синоќешниот настап во Париската филхармонија.

Како во лондонската сала „Барбикан“ и во њујоршкиот „Карнеги хол“, двајцата врвни уметници ја воодушевија и француската публика со изведбата на дела од Моцарт, Прокофјев, Франк и Равел. И овој нивни настап заврши со долготрајни аплаузи и стоечки овации, како и со три биса, пренесе Здружението за култура и уметност КултурОп.

За крај на минитурнејата, двајцата уметници ја наполнија и големата сала на Париската филхармонија (Фото: КултурОп)

„Оваа година навистина не можеше да почне поубаво. Ова е доказ дека соништата се остваруваат: на најпрестижните сцени настапив со Максим Венгеров. Се радувам што нашите искреност и фантастично поврзување на сцената толку убаво беа препознати од публиката”, изјави Трпчески, кого наредниот месец го очекуваат гостувања во Германија и Ерменија.

Трпчески и Венгеров лани првпат свиреа заедно на фестивал во Белгија, по што за почетокот на оваа година договориле минитурнеја.

„Со некои луѓе веднаш се воспоставува хемија и ова е таков случај. Ми беше позната комплетната работа на Симон и во него препознав многу сензитивен партнер. Навистина се надевам дека ќе свириме и во иднина, дека можеби ќе успееме заеднички и да снимиме нешто, а и повторно би сакал да дојдам во Македонија”, рече Венгеров.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More