Омикрон досега се покажа како варијанта која предизвикува поблаги и поподносливи симптоми.
Тој влијае на горниот респираторен систем и носи симптоми кои тешко се разликуваат од обичната настинка, па луѓето често не одат ниту на тестирање. Ако сте биле болни во последно време и не сте биле тестирани – овие знаци може да укажуваат на тоа дека сте имале омикрон.
Клучни симптоми
Досега треската, кашлицата и губењето мирис беа сигурни знаци дека имате ковид-19. Тоа се смени со омикрон. Сега најчести симптоми се болки или пецкање во грлото, течење на носот, главоболка, замор и болки во телото. Професорот Тим Спектор, раководител на студијата која ги следи симптомите на ковид-19, вели дека секој со овие симптоми треба да се тестира.
Сите во семејството се разболеа еден по еден
Респираторните вируси се многу заразни, меѓутоа, ковид-19 моментално е најдоминантен во светот. Исто така, се покажало дека омикронот е многу полесен за пренос од претходните варијанти и тешко е некој да не се зарази, а бил во контакт со заразено лице. Значи, ако сте биле болни и сте забележале дека сите дома се разболуваат еден по друг, веројатно е омикрон.
Дигестивни проблеми
Според последните извештаи, заразените со омикрон пријавуваат дека имаат и дигестивни проблеми. Повраќањето, гадењето и губењето на апетит се поврзуваат со омикрон.
Губење на косата во големи количини
Алопеција или опаѓање на косата е чест симптом кај многумина кои имале ковид-19, а се јавува неколку недели подоцна. Па, ако одеднаш забележите дека косата ви опаѓа, а не сте биле тестирани, можно е да сте заболеле од омикронската инфекција.
Инфекција на очите или осип
Според „Jerusalem Post“, инфекција на очите или чуден осип на прстите може да биде знак дека сте биле заразени со омикрон и сте оздравеле.
Иако се благи, доколку ги почувствувате симптомите, останете дома, изолирајте се и следете ја ситуацијата. Носете маски и држете се на дистанца, особено од најранливите.
