Најновите извештаи на JATO Dynamics ни откриваат кој автомобил бил најпродаван во секоја од Европските земји.
Она што некогаш беше континент доминиран од Volkswagen Golf, сега е мешавина од повеќе водечки модели. Минатата година, од сите Европски земји Golf водеше само во Германија. Тоа е една од шесте земји во кои Volkswagen групацијата водеше на листите за најпродавани модели (4 Skoda, 1 Volkswagen и 1 Seat).
Најуспешна беше групацијата Stellantis чии модели водеа во вкупно осум земји (4 Fiat, 2 Opel и 2 Peugeot). Зад неа следеше Toyota со 7 регионални пазари. Групацијата Renault и Hyundai-Kia ја делеа четвртата позиција со предводници во по пет земји.
Volvo и Tesla водеа во по две земји, додека Ford водеше во Данска, а Suzuki во Унгарија.
Најпродаван модел во Македонија беше Kia Sportage со удел од 7.9 проценти од сите продадени возила. Ситуацијата кај нашите соседи беше нешто поинаква – па така во Србија напродаван модел беше Fiat 500L (кој и локално се произведува), во Бугарија – Dacia Dokker, а во Грција – Toyota Yaris.
