Ако се одлучи „Bugatti“ на ваков модел, тоа би бил најсериозен ривал на „Ferrari Purosangue“.
Љубителите на автомобилската егзотика веќе покажале подготвеност во овој свет на хиперспортски автомобили без лимит на цената да прифатат и „SUV“ концепт. „Lamborghini“ прв го проби мразот, а потоа дојдоа и „Aston Martin“, „Maserati“ и на крајот и „Ferrari“. Се помал е списокот на оние кои категорично ја одбиваат помислата за создавање на „SUV“ модел.
Во „Bugatti“ сосема сигурно ги разгледуваат опциите околу тоа што таквиот производ би значел за нив. Тешко ја прифаќаат и електрификацијата, а уште помалку идејата за таков модел, но дека има пазарно оправдување, има. Тоа би ја нарушило ексклузивноста на гамата во која секоја специјална изведба на основниот модел ја крева цената за неколку пати, но би овозможило отворање кон некоја нова клиентела.
THE NEW KING!! – BUGATTI Centurion Hyper SUV
Идејата како еден таков модел би можел да изгледа ја дал независниот дизајнер Сергеј Дворнитски. Тој го осмислил „Bugatti Crossover“ и го нарекол „Centurion“. Естетски усогласен со „Chiron“, овој модел има купе-кросовер силуета со пет врати, а со тоа и многу повеќе место.
Притоа перформансите мора да бидат на нивото на името на „Bugatti“, па Дворнитски предложува хибриден погон со „W16“ мотор и електромотори од „Rimac Nevera“. Максимумот би била 2.150 коњски сили и 2.250 Nm.
BUGATTI Centurion SUV Concept (PERSONAL PROJECT) opens in a new tab
