Home » Орбан пристигна во Москва: европските лидери бесни му порачаа дека не ја претставува ЕУ

Орбан пристигна во Москва: европските лидери бесни му порачаа дека не ја претставува ЕУ

by Журнал.мк

Унгарскиот премиер Виктор Орбан пристигна во Москва на средба со рускиот претседател Владимир Путин. Потегот на Орбан предизвика прекор на лидерите на Европската унија, кои јасно ставија до знаење дека унгарскиот премиер нема да го претставува Брисел за време на неговиот престој во Русија.

Новинарите забележаа и дека Ербасот 604, кој унгарскиот премиер често го користи за патувања во странство, ја напушти Унгарија веднаш по неговото утринско интервју и слета на московскиот аеродром Внуково.

Пред заминувањето, Орбан на државното радио изјави дека Брисел не и дал мандат на Унгарија да промовира мир во Украина, но Унгарија може да биде „добра алатка во рацете на луѓето кои сакаат мир“.

„Мировната мисија продолжува. Втора станица: Москва“, напиша Орбан на Х по неговото слетување.

Во понеделникот Унгарија го презеде шестмесечното ротирачко претседавање со Советот на Европската унија. Во вторникот Орбан го посети украинскиот претседател Володимир Зеленски во Киев, а сега одлучи да замине во Москва во „мировна мисија“, само неколку дена пред самитот на НАТО.

„Со таков состанок, унгарското претседателство завршува пред навистина да започне. Се чини дека Унгарија не ја сфати својата улога. Скептицизмот на земјите-членки на ЕУ за жал беше оправдан. Се работи за улогата на промовирање на интересите на Будимпешта“ изјави европски дипломат за Ројтерс.

Високиот претставник на ЕУ за надворешна политика, Жозеп Борел, рече дека Орбан „на никаков начин не ја претставува ЕУ“ во Москва. Финскиот премиер Петри Орпо веста за посетата ја опиша како вознемирувачка.

„Неговата посета ќе покаже непочитување кон должностите на претседавачот и ќе ги поткопа интересите на Европската унија“, напиша тој вчера.

You may also like

About Us

Журнал МК е независен информативен портал.

Адреса: 8 Ударна Бригада 20б, Скопје, МК
Телефон: + 389 2 3217 815
Email: info @ zurnal.mk

@2022 – All Right Reserved. Designed and Developed by Anet.com.mk

This website uses cookies to improve your experience. We'll assume you're ok with this, but you can opt-out if you wish. Accept Read More