Веќе знаеме дека OnePlus 10 Pro ќе биде официјализиран следниот месец, што претходно го потврди и извршниот директор на компанијата. Неодамна некои гласини почнаа да укажуваат на првата недела од месецот (тоа е следната недела), но денес наводното промо видео за уредот протече во Кина и со себе го носи точниот датум на објавување.
Точниот датум е 11. јануари, а не како што претходно се мислеше 4. јануари. Бидејќи видеото е наменето за кинескиот пазар, датумот 11 јануари, дури и да е точен, веројатно ќе се однесува само на кинеското лансирање на телефонот. Ова може да дојде пред, па дури и по глобалното лансирање.
OnePlus 10 Pro беше забележан во базата на податоци денеска, а вчера беше сертифициран со брзо полнење од 80 W. Треба да го има Snapdragon 8 Gen 1 чипсетот како срце на хардверот, главна задна камера од 50 MP од Hasselblad и заоблен LTPO 2.0 AMOLED екран од 6,7 инчи со стапка на освежување од 120 Hz. Според претходните гласини, капацитетот на батеријата изнесува 5.000 mAh. Се надеваме дека телефонот уште од самиот старт ќе работи со Android 12 OS.
